صابری دربار کلس شریف

اللہ تعالیٰ سے محبت رکھو، اگر یہ نہ ہو سکے تو ان لوگوں سے محبت رکھتے ہیں۔

تصوف سرتا پا ادب ہے، جو اس کا لحاظ رکھے گا، مراد پائے گا، جس نے ادب چھوڑا، بے مراد ہوا۔

رسول خدا ﷺ سے سچی محبت انسان کو خدا کا محبوب بنا دیتی ہے۔

اللہ تعالیٰ سے ڈرو اور ان لوگوں سے بھی ڈرو، جو اللہ تعالیٰ سے نہیں ڈرتے۔

اللہ والے گناہ سے نفرت کرتے ہیں مگر گنہگار کو سینے سے لگا کر گناہوں سے بچا لیتے ہیں۔

خدا تعالیٰ کی نافرمانیاں حق تعالیٰ سے بغاوت ہے۔

اپنا ہر روز حساب کیا کرو، ورنہ روزِ حساب، حساب دینا مشکل ہو جائے گا۔

پیار سے خالی دل آگ کا عذاب پاتے ہیں اور پیار والے آگ کو پھول بنا دیتے ہیں۔ جو خدا کا شرم رکھتا ہے، یومِ محشر خدا اس کا شرم رکھے گا۔

اچھی زندگی، اچھی بات کرنا، اچھی بات سننا اور اچھے لوگوں کی صحبت میں بیٹھنا ہے۔

زبان اور شرمگاہ کی حفاظت کرو تم اولیاء اللہ میں شامل ہو جاؤ گے۔