🌟 نسب شریف 🌟

آپ جوانی میں پیرِ کامل کی تلاش میں سرگرداں ہو گئے۔ کئی بزرگوں کے پاس جاتے مگر طبیعت سیر نہ ہوتی۔ کسی بزرگ سے حضرت پیر لعل حسین کروڑی رحمۃ اللہ علیہ کا ذکر سنا۔ زیارت کا اشتیاق پیدا ہوا۔ دریائے جہلم کے کنارے کنارے پیدل روانہ ہو لیے۔

موضع کروڑ میں پیرِ روشن ضمیر حضرت لعل حسین کروڑی قریشی الہاشمی رحمۃ اللہ علیہ کی زیارت سے مشرف ہوئے۔ تین دن محفل میں رہے۔ ایک صبح بیعت ہونے کی درخواست کی۔

پیر یاسین رحمۃ اللہ علیہ اپنے پیر کا حکم سن کر واپس گھر آ گئے۔ سردی کا موسم تھا۔ دریا کا تھا خشک مگر دریا کے نشیبی حصوں میں وسیع پانی کھڑا تھا۔ ایک نشیبی دریائی تالاب میں کھڑے ہو گئے۔

خیال فرمایا: "میں اپنے پیر کے حکم کو دریا کے پانی میں کھڑا ہو کر پورا کروں گا۔ مجھے ایک لاکھ دفعہ سورہ یٰسین پڑھنے کا حکم ملا ہے۔ مگر میرے پیر کے شہر کا نام کروڑ ہے، میں کروڑ دفعہ سورہ یٰسین پڑھوں گا۔ جب تک وظیفہ مکمل نہ ہو، روزے سے رہوں گا اور پانی سے باہر نہیں آؤں گا۔"

اللہ کا نام لے کر پانی میں کھڑے ہو گئے۔ روزہ کی نیت باندھ لی۔ کئی شب و روز پانی میں کھڑے رہے اور وظیفہ جاری رہا۔ بزرگوں سے سنا ہے کہ پانی میں ڈوبے ہوئے حصوں کا اکثر گوشت آبی جانور، جونکیں اور کچھوے وغیرہ کھا گئے۔ جب پانی سے نکلے تو پنڈلیوں اور رانوں کی ہڈیاں باقی تھیں۔

خاندانِ ہاشمی معہ قوم کھوکھر ملتان سے ہجرت کر کے دورِ مغلیہ میں کلس ضلع جہلم میں آ گیا تھا۔ یہیں دریائے جہلم کے شمالی کنارے اپنی الگ بستی بسائی تھی جو کلس کے نام سے موسوم تھی۔ کلس کی اراضی اور گاؤں دریا کے کٹاؤ کی زد میں آ گیا۔

اہلیانِ کلس نے اپنی بستی دریا کے جنوبی کنارے بسانا چاہی۔ کلس دریا کے جنوبی کنارے گوندل قوم کے قبضہ میں تھا۔ وہ کھوکھروں کو آباد نہ ہونے دیتے تھے۔ آخر حضرت پیر محمد صدیق شاہ رحمۃ اللہ علیہ سے امداد کی درخواست کی۔

موضع کوڑا نزد پنڈ دادنخان میں آپ کے کافی عقیدت مند تھے۔ اہلیانِ موضع کوڑا کا اپنے ملحقہ موضع ڈنڈوت سے حد بندی کا تنازع تھا۔ اہلِ ڈنڈوت نے آخری چیلنج کیا۔

تمام گاؤں حضرت پیر یاسین شاہ رحمۃ اللہ علیہ کی خدمت میں حاضر ہوا۔ عرض کی: "حضور، ان لوگوں کے پاس بندوقیں ہیں۔ ہم لاٹھیوں سے بندوقوں کا مقابلہ نہیں کر سکتے۔"

صبح لڑائی ہوئی۔ دشمنوں نے بندوقیں چلائیں مگر بے سود رہیں۔ فتح موضع کوڑا کو ہوئی۔ اہلیانِ موضع کوڑا کا کہنا ہے کہ پیرِ پاک کی دعا کے بعد آج تک کوئی آدمی گولی سے نہیں مرا۔

موضع احمد آباد دریا کے کٹاؤ اور بہاؤ کی زد میں آ گیا۔ حضرت پیر کرم شاہ رحمۃ اللہ علیہ دربارِ عالی کھارا شریف اور حضرت پیر یاسین شاہ رحمۃ اللہ علیہ دربارِ کلس شریف (جو آپس میں خالہ زاد بھائی بیان کیے جاتے ہیں) دونوں بزرگوں نے دریا کو حکم دیا۔

حضرت پیر کرم شاہ رحمۃ اللہ علیہ بوقتِ مغرب احمد آباد آ گئے۔ دریا کے کنارے مصلیٰ بچھایا اور محوِ عبادت ہو گئے۔ اللہ کے ولی کی پُر اثر دعائیں درگاہِ خداوندی میں مستجاب ہوئیں۔ طلوعِ آفتاب تک دریا نے اپنا رخ موڑ لیا۔

اتنے میں حضرت پیر یاسین شاہ رحمۃ اللہ علیہ بھی پہنچ گئے۔ دریا کے اس کنارے پر مصلی ڈال کر نمازِ اشراق ادا کی۔ کافی دیر محوِ دعا رہے۔

یکدم دریا میں گڑگڑاہٹ پیدا ہوئی اور پانی از خود لاشیں اچھال اچھال کر دریا کے کنارے پھینکنے لگا۔ لوگوں نے اپنی اپنی لاشیں اٹھائیں اور نئے قبرستان میں دوبارہ دفن کر دیں۔

گرمیوں کا موسم تھا۔ آپ اپنے گھوڑے پر سوار موضع شاکرپور جا رہے تھے۔ راستے میں موضع کھیویا نوالہ کے روشن نمبردار کا کنواں چل رہا تھا۔ آپ کپڑا باندھ کر نہانے لگے۔

گاؤں سے دو عورتیں سر پر گھڑے رکھے اس کنویں سے پانی لینے آئیں۔ روشن نمبردار آپ کے پاس آ کر گستاخانہ زبان استعمال کرنے لگا اور کنویں سے فوراً چلے جانے کو کہا۔

زبان سے تقدیر کا تیر چل چکا تھا۔ ابھی عورتیں برتن صاف کر رہی تھیں کہ وہ شخص باؤلے کتے کی طرح بھونکنے لگا۔ بیلوں اور عورتوں کو کاٹنا شروع کر دیا۔

لوگ اسے رسوں سے جکڑ کر ایک چارپائی سے باندھ کر شاکرپور لے آئے۔ راجہ وارش خان کی ۸-۹ سالہ بچی کو بہلا کر بھیجا گیا۔ پیچھے پیچھے سارا گاؤں رو رو کر گستاخی کی معافی مانگنے لگے۔

طبیعت ٹھنڈی ہوئی۔ اسے دم فرمایا اور فرمایا: "لے جاؤ اب یہ ٹھیک ہے۔ مگر تمام عمر جب وقتِ عصر آئے گا اس کی یہ حالت ہو جائے گی۔"

مریض ٹھیک ہو گیا۔ مگر تمام عمر اس کی عصر کے وقت حالت باؤلے کتے کی طرح ہو جاتی تھی۔ یہ کیفیت آدھ گھنٹہ تک رہتی پھر درست ہو جاتا۔

حضرت سید حیدر علی شاہ رحمۃ اللہ علیہ آستانہ عالیہ جلال پور شریف آپ کے دوست اور محرمِ راز تھے۔ دونوں حضرات باہم مشورے کے بعد خواجہ شمس العارفین رحمۃ اللہ علیہ آستانہ عالیہ سیال شریف کی خدمت میں حاضر ہوئے اور مشرفِ بیعت ہونے کی درخواست کی۔

حضرت پیر شاہ رحمۃ اللہ علیہ پیرِ سیال رحمۃ اللہ علیہ کا یہ پیغامِ حق آگاہ بن کر واپس آ گئے اور شب و روز انتظار میں کٹنے لگے۔ یہ راز حضرت سید مردان علی شاہ صابری رحمۃ اللہ علیہ کی ملاقات پر کھلا۔

علی الصبح تہجد کی نماز اپنے والد گرامی کے مزار کے شمالی جانب کھلے آسمان تلے ادا کرتے تھے۔ سردی ہو یا گرمی، آپ کے معمولات میں فرق نہ آتا۔

کئی بار سخت سردی کے باعث سر پر کہری جم جاتی۔ صبح نماز سے فارغ ہو کر وہیں مصلیٰ پر اوراد و وظائف میں مشغول رہتے۔ سورج طلوع ہونے کے بعد نمازِ اشراق ادا کرتے اور وہیں دیر تک تلاوتِ قرآن پاک فرماتے تھے۔ سورج کی تپش سے سر پر جمی ہوئی کہر پگھل پگھل کر ٹپکتی رہتی۔

سیدن سرکار رحمۃ اللہ علیہ کی والدہ محترمہ ایک بلند پایہ ولیہ کاملہ تھیں۔ بچپن ہی سے عبادت گزار، نیک اطوار، پاکیزہ کردار اور مربیانہ گفتار کی مالکہ تھیں۔

جناب مائی صاحبہ کے ماموں جان پیر بڑھے شاہ رحمۃ اللہ علیہ ولی اللہ تھے۔ مستانہ، قلندرانہ روش تھی۔ تارک الدنیا بزرگ تھے۔ جنگلوں اور پہاڑوں میں رہ کر عبادتِ الٰہی کرتے۔

ایک دفعہ گھومتے پھرتے ہمشیرہ کے گھر آ گئے۔ ہمشیرہ کی آٹھ سالہ بچی صحن میں کھیل رہی تھی۔ ماموں جان نے شفقت کا ہاتھ پھیرا۔ اپنے حقے کی چلم سے راکھ اٹھائی، بچی کے سر پر ڈال دی۔

قلندر مرد کی آواز لفظ بہ لفظ پوری ہوئی۔ جوانی میں قبلہ مائی صاحبہ کی شادی حضرت پیر محمد شاہ رحمۃ اللہ علیہ ساکن کلس شریف سے ہوئی۔ دونوں بزرگوں کی اولاد حضرت سیدن سرکار رحمۃ اللہ علیہ ہی تھے، جو عالم بالعمل، عارفِ کامل اور قلندرِ دوراں تھے۔